巴塞隆拿連續2屆歐聯分組賽出局，盛傳會方計劃換帥，人選除咗馬些路加拿度、杜曹之外，阿仙奴領隊阿迪達亦成為巴塞嘅目標人選。
西班牙《每日體育報》指巴塞管理層一方面表示信任教練沙維，但其實亦有兩手準備，搵定下任主帥人選，當中包括阿迪達。巴塞之所以睇中呢位西班牙40歲少帥，除咗因為佢為兵工廠取得佳績之外，亦由於阿迪達出身於巴塞青年軍，並曾於曼城做過哥迪奧拿副手，有巴塞NDA，非常符合球會要求。
不過，阿迪達依家喺阿仙奴過得非常順利，恐怕巴塞短期內要搵佢過檔，並唔容易。
2022 年 12 月 30 日
足球快報
英超 西甲 歐聯 2023︱足球快訊2023︱有相同DNA 巴塞想搵阿迪達執教