尋日凌晨英超賽事，車路士又失分，作客被諾定咸森林逼和1比1，近7場聯賽只得1勝，已經落後第4位嘅曼聯7分，距前4愈嚟愈遠。班主保利為救亡，1月轉會窗決定再開水喉，準備狂簽5位新兵救亡，包括賽前成功以3,500萬鎊收購法國中堅班洛特巴迪亞舒利，而且肯定陸續有嚟。
車仔今季成績令人失望，開季冇耐就將主帥杜曹炒魷，但樸達上任後衰多兩錢重。今場16分鐘，車仔憑史達寧先開紀錄，不過森林嘅反擊更入肉，63分鐘奧里亞混戰中窩利抽入扳平，車路士尾段想谷又谷唔起，最終各一言和。車路士近7場聯賽第6度失分，賽後只排第8位。
車仔季前用超過2.5億鎊增兵，但完全冇效用，班主保利1月繼續科水，早前宣布簽入科特迪瓦前鋒大衞科芬拿，據報剛過去周末再搞掂多兩單轉會，包括以1,100萬鎊收購華斯高嘅巴西中場安迪利山度士，呢位18歲新星喺家人陪同下飛抵倫敦做體測，轉會文件亦準備妥當，完成體測後就會正式簽約。
3.3億搞掂班洛特巴迪亞舒利
至於效力摩納哥嘅法國中堅班洛特巴迪亞舒利，亦同意加盟車仔，據報已經去到倫敦做體測，雙方簽約至2029年6月，身價為3,500萬鎊（約3.3億港元）。除上述3人外，車仔亦正同賓菲加斟購阿根廷中場國腳安素費南迪斯，以及洽談借用馬體會前鋒祖奧菲歷斯，如果全部成事，球隊前中後3線實力將大為提升，下半季能夠以全新面貌爭取佳績。
暴富娛樂更多活動與資訊
IPhone 14 Pro大抽獎｜暴富娛樂｜每日抽獎｜每月終極大抽獎｜抽獎券用法
暴富2023元旦大抽獎｜暴富娛樂｜Ps5 Dyson AirPods 禮金 元旦大抽獎 ｜2023跨年 新年
英超 西甲 歐聯有獎問答比賽｜暴富娛樂｜五大聯賽｜派錢
NOWE英超 西甲 歐聯通行證 ｜暴富娛樂｜2022-2023 NOW E PASS 任你睇
有效排名現金獎｜暴富娛樂｜獎金達$26,080｜派錢
暴富娛樂Telegram群組
暴富娛樂管理員