喺英聯盃殺入16強嘅曼聯，乘勇返回聯賽搶分，作客富咸不勝無歸！富咸今季「遇強即屈」，鬥前4球隊全部輸晒，曼聯要爭歐聯入場券，當然唔想失威，佢哋近4次鬥富咸獲3勝1和，客W有1.65倍玩得過。
表現復甦嘅曼聯，上輪聯賽鬥維拉大意失3分，不過佢哋好快就已經復仇成功，上周中英聯盃第3圈成功以4比2贏波，養傷一段時間嘅安東尼馬迪爾更加搵到入波。紅魔鬼各項賽事近11場8勝2和，僅輸1場。
領隊坦哈格已經搵到管理球隊最佳方法，佢不時轉換陣容，畀唔同球員上陣，除咗防止球員因冬季世盃搞到賽程緊密而過分勞累，亦激起球員鬥心，一上場就博表現爭取正選，據報今場後防會用哈利馬古尼夥拍利辛度馬天尼斯，前鋒線就會續用安東尼馬迪爾。
富咸對前列球隊全敗
富咸今季表現其實算唔錯，喺葡萄牙領隊馬高施華帶領下，依家僅落後少踢一場嘅曼聯4分排第9，係3支升班球隊成績最好一隊，可惜佢哋今季「遇強即屈」，對現時前4球隊阿仙奴、曼城、紐卡素及熱刺全敗，好似上周鬥曼城，以為可以1比1完場，最終都要畀艾寧夏蘭特補時入波搞掂，隊波條命生成畀強隊恰。
今場富咸塞爾維亞射手阿歷山大米祖域因傷倦勤，仲有後防大將堅尼迪迪同夏里遜列特缺陣，即使喺卡雲小屋球隊出擊都難睇好。加上曼聯對富咸往績佔優，近4次交手獲3勝1和，曼聯今場贏波，就可以繼續緊貼前4，喺世盃前穩守靚位，等聖誕新年快車發力，3分志在必得。
IPhone 14 Pro大抽獎｜暴富娛樂｜每日抽獎｜每月終極大抽獎｜抽獎券用法
世界盃足金鳩猴｜暴富娛樂｜世界盃2022卡塔爾｜送禮勤
世界盃波衫麥麥送｜暴富娛樂｜2022卡塔爾世界盃
NOWE世盃通行證｜暴富娛樂｜2022卡塔爾世界盃
世界盃有獎問答比賽｜暴富娛樂｜2022卡塔爾世界盃｜派錢
有效排名現金獎｜暴富娛樂｜獎金達$26,080｜派錢
暴富娛樂Telegram群組
暴富娛樂管理員