世盃前法甲好戲，巴黎聖日耳門(PSG)周日(13日)主場迎戰歐塞爾。PSG今場誠意滿分，世盃前照派強陣出擊，美斯、尼馬、基利安麥巴比，仲有其餘多位世盃國腳全部上陣，結果憑麥巴比開紀錄5比0大勝一仗。
PSG開賽11分鐘由麥巴比開紀錄，呢球波美斯都有份參與，佢攞波後交畀紐奴文迪斯阿歷山大，再交助攻畀麥巴比搞掂，之後美斯再有入波機會，佢右邊帶波埋禁區起食胡左腳，但就炒高，半場領先1比0。
下半場PSG繼續控制戰局，卡路士蘇拿接應紐奴文迪斯阿歷山大傳送，近門頭槌建功，51分鐘贏到2比0，6分鐘後輪到卡路士蘇拿送助攻，同樣係世盃腳嘅阿舒拉夫建功成3比0，奠定勝局。
之後美斯未放軟手腳繼續攻，佢似乎想喺世盃前入番粒，可惜埋門射中柱，而佢亦唔再勉強，同尼馬雙雙被換出場，為世盃做準備。
至於餘下時間麥巴比繼續比賽，但冇乜掂波，由連拿度辛捷士同艾基迪基各入1粒，埋單炒歐塞爾5蛋。
IPhone 14 Pro大抽獎｜暴富娛樂｜每日抽獎｜每月終極大抽獎｜抽獎券用法
世界盃足金鳩猴｜暴富娛樂｜世界盃2022卡塔爾｜送禮勤
世界盃波衫麥麥送｜暴富娛樂｜2022卡塔爾世界盃
NOWE世盃通行證｜暴富娛樂｜2022卡塔爾世界盃
世界盃有獎問答比賽｜暴富娛樂｜2022卡塔爾世界盃｜派錢
有效排名現金獎｜暴富娛樂｜獎金達$26,080｜派錢
暴富娛樂Telegram群組
暴富娛樂管理員